De Finanzministère preparéiert a realiséiert d'Budgets-, Finanz- a Steierpolitik vum Lëtzebuerger Staat. An dësem Sënn ass e fir d'ëffentlech Finanzen an d'Virbereedung vum Staatsbudget verantwortlech. De Ministère definéiert ausserdeem d'Politik vum Finanzsecteurr an ass responsabel fir d'Relatioune mat den internationale Finanzinstitutiounen. En ass och verantwortlech fir d'Verwaltung vun den Domäne vum Staat.
De Ministère huet eng grouss Unzuel vu Verwaltungen ënnert sech stoen, wéi z.B. Steierverwaltung an d‘Douannen.
Attributiounen
De Kompetenzberäich vum Ministère ass am interne Reglement vun der Regierung festgehalen.
Direktiounscomité
Den Direktiounscomité gesäit sech, am Prinzip, een mol an der Woch, fir ënnert der Presidence vum Minister, iwwert strategesch Dossieren ze diskutéieren. D'Direkteren an den Generalkoordinator huelen un den Reuniounen deel.
Direktioun “Finanzdéngschtleeschtungen, Finanzstabilitéit, an réglementaire Kader vum Finanzsecteur”
D’Direktioun befaasst sech mat Themen déi Finanzdéngschtleeschtungen, d‘Finanzstabilitéit an de réglementaire Kader vum Finanzsecteur betreffen. Si schafft d‘national Gesetzer aus déi d’Finanzplaz an hir Acteuren (Banken, Versécherungen, Investmentfongen, Etablissements de paiement, etc.) betreffen. Si vertrëtt och de Ministère an nationalen, europäeschen an internationalen Aarbechtsgruppen, déi sech mat Finanzdéngschtleeschtungen an Finanzstabilitéit beschäftegen. Si bedeelegt sech also aktiv u Verhandlungen an Ausschaffungen vun den concernéierten internationalen Texter. D’Direktioun assuméiert ausserdeem dem Ministère seng Missiounen am Beräich vun Bankenresolutiounen am Fall vun Bankenfailliten, vum Schutz vun Déposanten an Investisseuren, a vun der makroprudenzieller Iwwerwaachung vum Finanzsecteur. Si ass och zoustänneg fir d’Zesummenaarbecht mat aneren Ministèren, Associatiounen an Finanzacteuren, déi fir d’Finanzplaz wichteg sinn, op nationalem oder internationalem Niveau.
Direktioun "Wirtschafts- a Budgetspolitik"
D’Direktioun preparéiert d’ECOFIN an Eurogrupp Reuniounen a vertrëtt de Ministère a nationalen, europäeschen an internationale Comitéen an Aarbechtsgruppen, déi sech mat den ëffentleche Finanzen, dorënner den EU-Budget, mee och mat der Wirtschaftspolitik befaassen. D’Direktioun fleegt och d’Relatioune mat internationalen Institutiounen, wéi den internationale Wärungsfong, IMF, der Organisatioun fir wirtschaftlech Zesummenaarbecht an Entwécklung, OECD, dem europäesche Stabilitéitsmechanismus, ESM an den internationale Rating Agencen. Se assuréiert och d’Sekretariat vum nationale Wirtschafts a Finanz Comité a koordinéiert zesumme mam Wirtschaftsministère de „Semestre européen“, souwuel op nationalem wéi internationalem Niveau.
Direktioun "Multilateral Affären, Entwécklung a Compliance"
Dës Direktioun ass responsabel fir d'Relatioune mat den internationale Finanzinstitutiounen zu deenen Lëtzebuerg gehéiert. Se steiert an entwéckelt déi multilateral Entwécklungshëllefsprogrammer, déi vum Finanzministère finanzéiert ginn. Se suivéiert ausserdeem d'Entwécklung vun der internationaler Handelsfinanzéierung duerch den Office du Ducroire.
Am Beräich vun der Compliance kontrolléiert d'Direktioun d’Anhale vun den Engagementer vu Lëtzebuerg, an zwar méi spezifesch am Kampf géint Geldwäsch, Korruptioun an Terrorismusfinanzéierung. Se suivéiert ausserdeem d'Initiativen déi am Kader vum G20, der OECD, FATF an dem Global Forum existéieren.
Direction "Administration et domaines"
D'Direktioun ass responsabel fir d'Verwaltung vum Personal an déi intern Organisatioun vum Ministère.
Am Beräich vun der Domänepolitik garantéiert se eng effizient Notzung vun den Staatsgidder.
Direktioun "Steieren"
Dës Direktioun ass responsabel fir all Froen iwwert (direkt an indirekt) national Besteierung an hält déi allgemeng Steierrecetten am A. Fir dësen Zweck hëlt se an alle wichtegen nationalen Gremien Deel. Op Niveau vun den internationale Institutiounen (EU,
Generalsekretariat
D'Generalsekretariat ass responsabel fir d'Koordinatioun vun de verschiddene Servicer vum Finanzministère. Ausserdeem ass et responsabel fir Relatioune mat de verschiddene Ministèren, mam Regierungsrot, de Verwaltungen, an der Chamber.
D'Generalsekretariat ass och den Haaptkontaktpunkt fir Ufroen vun der Press oder vun den Bierger.